Emotiva xornada a que o sábado 18 de novembro vivimos
no campo das Valgas de San Miguel de Reinante, correspondente a quinta xornada
da liga regular de Billarda da conferencia NorLeste.
Antes de comenzar, Xermán deunos a triste nova da que que xa tiñamos sabido por distintos medios e cos paláns guindados no chan e tódolos palanadores arredor, gardamos un
respetuoso minuto de silencio en recordo de Xosé Salgado Agrelo, mais coñecido
por Pepe da Flor ou Pepe de Meira, un bo home donde os haxa, amigo e compoñente
do equipo Tropa Lixeira, que nos deixou prematuramente ao non superar unha
longa doencia.
Este mismo xesto foi repetido polos compañeiros da conferencia
NorOeste o domingo a mañá e tamen o será pola conferencia das Rias Baixas no vindeiro
encontro que disputen. Na gran familia da LNB será sempre recordado con
agarimo. D.E.P.
Ainda que nos doa o peito, temos que sobrepoñernos porque
a vida segue e a billarda tampouco pode parar. Comenzou a xornada cunha
expléndida tarde nun campo ben marcado e ca herba moi coidada.
O perto de medio cento de palanadores distribuidos en tres pistas simultaneas disparaban as billardas cara ao varal con mais ou menos fortuna, sin grandes sorpresas na xornada e polo tanto poucas variacións nos primeiros postos da clasificación.
Subliñar o bo rendimento de
Manu Pozo que malia a estar doente do hombreiro dereito por unha caída (disque tentou misturar ciclismo e patinaxe sobre xeo e nun deu feito) e verse
obrigado a xogar ca man esquerda, foi quen de manter o tipo e seguir ben acomodado no segundo
posto da xeral.
O Primeiro da xornada foi Charli, que recunca como gañador
ainda que desta volta tivo que desempatar con un acertado Iván Alonso co que
igualou a 22 puntos. O terceiro con 21 puntos foi Regueiro que manten a súa
regularidade e sube un posto a costa de un non mui acertado Sachas no día de
hoxe.
Subliñar tamén a boa actuación do primeirizo
Oscar, que nun terreo difícil para un principiante desenvolveuse moi bén. O run run popular apunta a que tiña por reto facer mais puntos que Adrián Navallo. Nono conseguiu por mui pouquiño, pero xa
está na axenda dos mais prestixiosos oxeadores que estarán mui ó tanto da súa
evolución para tentar fíchalo.
Non tivo tanta fortuna o outro novel da conferencia. Adrian Rico que fixo o seu bautizo con moi boas sensacións no pavillón de Trabada, hoxe sobre herba trocou o conto e andivo a velas vir sin conseguir puntuar.
En donas Geni impuxo a súa condición
de bicampiona nacional e gañou con solvencia comezando o que parece unha fuxida
cara adiante para seguir ca súa tiranía particular de nun deixarse pasar e xa acadado o obxetivo da xornada puido dedicarse tamen como fai hjabitualmente a traballos de arbitraxe.
Paula fixoo mui ben, pero tivo que rendirse ante os acertados
golpes da musical billardeira. Lorena foi terceira.
E non podemos deixar de nomear o
xuvenil Manu Caldeiro que encadrado nun grupo nada sinxelo, a piques estivo de
dar a campanada. Estase a converter en peza fundamental dos Bulls.
En equipos, os Carabullo gañan por
segunda xornada consecutiva ca teima de dar caza os campións Billardeiros
Musicais. Ainda que pouquiño a pouco van recortando a diferencia de puntos que os separan e
deixando descolgados a Chainzos-Cadaval e aos Troitas Bravas.
E mentres se actualizaban as puntuacións e se facían os preparativos para a entrega de premios, entretivémonos comendo unas castañas asadas que como tódolos anos, Flores se encarga de trae quentiñas. O mismo Flores fixo entrega dos agasallos para os gañadores da
xornada.
A seguinte xornada
será o Trofeo do Galo en Ribadeo o 16 de decembro e para facer boca o vindeiro
sábado 25 de novembro teremos a disputa da “XI Copa Cantábrica” contra a
selección Asturiana de “liriu” en Piedras Blancas.
No hay comentarios:
Publicar un comentario