Charli comanda a gran tarde de "Os Carabullo" en Bretoña
O
campo de Vián estaba completamente anagado e daquela, trasladouse a disputa do “III
Aberto da Bola de Liscos” para o campo de fútbol de Bretoña, a carón do pavillón
deportivo.
O debate estaba en si
xogar resgardados no pavillón ou arriscar e facelo fora, pois o tempo non ofrecía
moitas garantías. Apostouse polo segundo e de inmediato (mentres uns se
ocupaban en realiza-lo sorteo de grupos), as brigadas dos Chainzo-Cadaval puxéronse
mans a obra en nun plis plas, as tres pistas estaban marcadas e dispostas para
comenzar a disputa da novena xornada da LNB conferencia NorLeste.
Comenzou
pois a loita a ceo aberto cos raios de sol e unha fría brisa alternándose en
bicar as facianas dos bravos palanadores que loitaban contra a herba mesta,
tentando esmagala un poquiño para un bo acomodo da billarda.
Hervy a por todas |
Tanto
esforzo en prepara-la xogada, e malia pericia dos palanadores, non sempre deu
os froitos desexados e moitas veces as billardas voaban ao campo veciño ou a
donde lles petaba, como si despois de ser golpeadas colleran vida propia.
E
así con erros e acertos duns e doutros, chegamos a quinta e derradeira carreira
con Charli (Carabullo) e Pepe Vidal (Chainzos-Cadaval) con posibilidade de
acadar o pleno.
A sorte foi dispar, mentres
Charli cumpriu e xaquelogo gañou o primeiro posto con 25 puntos (primeiro pleno
nesta tempada), Pepe Vidal derrubouse (quedou con 20 p.), dando chance a Javi
Morán (Carabullo), Daniel e Rubén (Billardeiors Musicais) que o adiantaron na
procura do segundo e terceiro caixón do podio ao acadar todos eles 22 puntos.
Nesta ocasión Rubén
quedou fora, Daniel foi terceiro e Javi Morán fíxose ca segunda plaza, para
redondear unha cuasi perfecta tarde dos Carabullo que con 86 puntos tamén
dominaron en equipos, seguidos de Billardeiros Musicais con 83 e de Chainzos-Cadaval
con 70.
En donas foi Bea (Troitas
Bravas) a mellor, segunda Geni e terceira Lola Eiras (Polka Miseria).
Lorena oficiou como
maestra de ceremonias na entrega de premios por parte da tenente de alcalde de
A Pastoriza aos gañadores consistentes
en artísticas tallas saídas das mans de Rubén (Chainzos) para os tres primeiros
clasificados e a consabida bola de liscos para o Campión Charli e para o equipo
da xornada, Os Carabullo.
A vindeira enganchada en Mosteiro
(Pol), está sin día fixo por algún
contratempo na data prevista.
No hay comentarios:
Publicar un comentario