Ca xornada do sábao en Remourelle
finaliza a tempada da LNB na conferencia NorLeste e queimáronse os
derradeiros cartuchos de cara a conseguir un posto para disputar as finais
nacionais o vindeiro día 26 de maio en Marrozos, Santiago de Compostela fronte
os clasificados das outras conferencias, non
todas ainda finalizadas.
Como ven sendo costume, ainda
que desta volta non estaba programado oficialmente, antes do comezo do aberto a
maioría dos palanadores xuntáronse na Taberna de Lola para xantar, cumprindo a
perfección o lema dos billardeiros “para
darlle o garabullo, primeiro hai que enche-lo bandullo”.
Logo do sorteo comenzaron a
disputarse as carreiras que so serviron para que algún xogador trocase de
posto, xa que en definitiva non modificaron en nada a táboa de clasificados. Estan
os que xa estaban, e os que tiñan algunha posibilidade de entrar quedaron as
portas.
O Aberto gañouno Eric de “Os
Outros” con tódalas carreiras gañadas, segundo Xerman de “Ekipa-Bitere” e
terceiro logo dun desempate entre cinco candidatos (Daniel, Charli, Reyes,
Villarino e Pepe), foi Charli de “Carabullo”.
Finalizouse a xornada
novamente na Taberna de Lola ca entrega dos premios do aberto no que a estrela
foi “O Coello” que Suso lle entregou a Eric como gañador do
aberto. E seguidamente o concellal de deportes D. Vicente Castro, fixo entrega
en nome do Concello de Ribadeo dos
trofeos correspondentes os gañadores en cada categoría:
En donas a Campiona foi Geni
de “Os Outros”
En equipos repiten os
Billardeiros Musicais.
En varados Charli de
“Carabullo”
E Campión individual
novamente Charli
A lista de clasificados para
a gran muiñada de Marrozos e a seguinte:
Equipos: Billardeiros
Musicais e Tropa Lixeira
Donas: Geni, Reyes, Lola
Eiras, Carme e Lucia
Varados: Charli, Regueiro, Daniel,
Markytos e Martiño.
Individual: Charli,
Marcos, Daniel, Regueiro, Oscar, Markytos, Suso Coedo, Xermán, Richar, Nacho,
Noé e Martiño.
Xa estamos metidos de cheo nas finais. Iremos comentando calqueira dato ou información necesaria para que todo saia o mellor posible.
No hay comentarios:
Publicar un comentario